XX. mendeko Euskararen Corpus estatistikoa
Testuingurua
-Ez iezaiek jaramonik egin -aholkatu zuen Narraski-Saski jaunak. Behartsuegiak gaituk. Sagarrak behar ditiagu. Ez hadi horrela jarri, Percy.
- Karitatea -esan zuen Percyk. Nik ez dut karitaterik nahi.
- Hago lasai -esan zion Narraski-Saski andreak. Txorimalo bat asmatuko diagu txoriak haien sagarretatik uxatzeko. Behar bezalako trukea izango duk, ez karitatea.
Eta txistuka aldendu zen txorimaloa prestatzera.
- Gorrotagarria da nola egiten duen txistu -esan zuen Percyk. Buruko mina ematen dit.
- Garbiketa egitea sendagai ezinobea duk buruko minarentzat -aholkatu zion Narraski-Saski jaunak.
- Oso barregarria -erantzun zion Percyk garratz. Eta gainera, Bakarrik-Egiten-Den-Ohea bukatu behar luke lehendabizi.
- Bukatuko dik -esan zion Narraski-Saski jaunak. Baina lehendabizi txorimaloa egingo dik.
Hoa orain ea tipularen bat edo azenario batzuk aurkitzen dituan, eta nik geratzen diren azken masustak bilduko ditiat.
- Masustak eta tipulak -esan zuen Percyk, bekosko iluna jarriz.